المعجم الكبير للطبراني

سیدنا عدی بن حاتم رضی اللہ عنہ سے روایت ہے کہ رسول اللہ ﷺ نے فرمایا: ”لوگوں پر ایک ایسا زمانہ ضرور آئے گا کہ (اکیلی) عورت مکہ سے حیرہ تک سفر کرے گی اور کوئی اس کی سواری کی نکیل تک نہ پکڑے گا۔ اور لوگوں پر ایک ایسا زمانہ ضرور آئے گا کہ آدمی اپنی مٹھی بھر سونا لیے چلے گا، اسے صدقہ کرنا چاہے گا مگر اسے قبول نہیں کیا جائے گا۔“

سیدنا عدی بن حاتم رضی اللہ عنہ نے انہیں بتایا کہ رسول اللہ ﷺ نے فرمایا: ”بہت جلد تم پر وہ وقت آئے گا کہ مکہ اور حیرہ کے درمیان (اکیلی) عورت سفر کرے گی اور کوئی اس کی نکیل تک نہ پکڑے گا۔ اور تم میں سے کسی پر بہت جلد وہ وقت آئے گا کہ آدمی اپنی مٹھی بھر سونا لیے چلے گا اور اسے قبول کرنے والا کوئی نہ ملے گا۔ اور تم میں سے ہر ایک اللہ عزوجل کے سامنے پیش کیا جائے گا، اس کے اور اس کے درمیان کوئی ترجمان نہ ہو گا، پس جو آگ سے بچ سکے، خواہ کھجور کے ایک ٹکڑے ہی سے، وہ ایسا کرے۔“