المطالب العالية بزوائد المسانيد الثمانية

نجید بن عمران رحمہ اللہ اپنے والد سیدنا عمران بن حصین رضی اللہ عنہ سے روایت کرتے ہیں کہ انہوں نے ایک شاعر کو کچھ مالی عطیہ دیا، تو ان سے کہا گیا: اے ابو نُجید! کیا آپ ایک شاعر کو مال دے رہے ہیں؟ تو انہوں نے فرمایا: ”بے شک میں اس کے ذریعے اپنی عزت و ناموس کا اس (کی ہجو و بدگوئی) سے فدیہ دے کر تحفظ کر رہا ہوں۔“
اس حدیث کو امام ابوداؤد نے روایت کیا ہے اور اس کی سند حسن ہے۔

محمد بن علی رحمہ اللہ سے روایت ہے کہ ”ایک شخص نے اللہ تعالیٰ کی حمد و ثنا بیان کی اور رسول اللہ ﷺ کی بھی مدح سرائی کی، تو رسول اللہ ﷺ نے اسے اللہ عزوجل کی اس تعریف و توصیف کی بنا پر تو (مال و متاع) عطا فرمایا جس نے اسے پیدا کیا ہے، لیکن اسے اپنی ذاتِ گرامی کی مدح و ستائش کی وجہ سے کچھ عطا نہیں فرمایا۔“
اسے امام مسدد نے اپنی مسند میں روایت کیا ہے اور اس کی سند مرسل ہے۔

سیدنا اسود بن سریع رضی اللہ عنہ سے روایت ہے کہ انہوں نے عرض کیا: ”اے اللہ کے رسول! میں نے اللہ تبارک و تعالیٰ کی حمد و ثنا میں ایک کلام تیار کیا ہے اور ایک مدحت آپ کی شانِ گرامی میں بھی کہی ہے۔“ اس پر نبی کریم ﷺ نے ارشاد فرمایا: ”وہ کلام پیش کرو اور اللہ تعالیٰ کی حمد و ثنا سے (اپنے کلام کا) آغاز کرو۔“
اس روایت کی سند میں علی بن زید بن جدعان راوی ضعیف ہے، تاہم اس کے شواہد دیگر کتبِ احادیث میں موجود ہیں جن سے اس کی اصل ثابت ہوتی ہے۔