مجمع الزوائد ومنبع الفوائد

سیدنا عبداللہ بن عمرو رضی اللہ عنہ روایت کرتے ہیں : نبی اکرم صلی اللہ علیہ وسلم نے ایک شخص سے دریافت کیا : اے فلاں ! تمہارا کیا حال ہے ؟ اس نے جواب دیا : یا رسول اللہ ! میں آپ کے سامنے اللہ کی حمد بیان کرتا ہوں ، نبی اکرم صلی اللہ علیہ وسلم نے فرمایا : یہ وہی چیز ہے ، جو میں تم سے چاہتا تھا ۔
یہ روایت امام طبرانی نے نقل کی ہے اور اس کی سند حسن ہے ۔

یونس بن میسرہ بن حلبس بیان کرتے ہیں : میری ملاقات سیدنا واثلہ بن اسقع رضی اللہ عنہ سے ہوئی ، میں نے انہیں سلام کیا ، میں نے کہا: اے ابوشداد ! آپ کا کیا حال ہے ؟ اللہ تعالیٰ آپ کو ٹھیک رکھے ، تو انہوں نے فرمایا : اے میرے بھتیجے ! ٹھیک ہے ۔
یہ روایت امام طبرانی نے نقل کی ہے ، اور اس کے رجال ” ثقہ “ ہیں ۔ اس سے پہلے اس بارے میں کچھ روایات ، نیکی اور صلہ رحمی سے متعلق کتاب میں اور آداب سے متعلق کتاب میں گزر چکی ہیں ۔