مجمع الزوائد ومنبع الفوائد

واقدی بیان کرتے ہیں : یہ سیدنا عیاض رضی اللہ عنہ بن تمیم بن زہیر بن ابوشداد بن ربیعہ بن ہلال بن ضباء بن حارث بن فہر ہیں ۔ سیدنا عیاض رضی اللہ عنہ نے حدیبیہ سے پہلے ہی اسلام قبول کر لیا تھا ، وہ غزوہ حدیبیہ میں شریک ہوئے ، یہ شام میں سیدنا ابوعبیدہ بن جراح رضی اللہ عنہ کے ساتھ رہے تھے ، جب سیدنا ابوعبیدہ رضی اللہ عنہ کے انتقال کا وقت قریب آیا ، تو سیدنا ابوعبیدہ رضی اللہ عنہ نے ، جو ان کی ذمہ داریاں تھیں ، ان کے حوالے سے سیدنا عیاض بن تمیم رضی اللہ عنہ کو اپنا جانشین مقرر کیا ، تو سیدنا عمر بن خطاب رضی اللہ عنہ نے انہیں اس عہدے پر برقرار رکھا تھا ، یہاں تک کہ اُن کا انتقال ہو گیا ۔ سیدنا عیاض رضی اللہ عنہ ایک نیک اور خوش اخلاق بزرگ تھے ، جب ان کا انتقال ہوا ، تو ان کے پاس کوئی مال نہیں تھا اور نہ ہی ان پر کسی کا کوئی قرض تھا ، اُن کا انتقال 60 سال کی عمر میں شام میں سن 20 ہجری میں ہوا ۔
یہ روایت امام طبرانی نے نقل کی ہے واقدی تک اس کی سند حسن ہے ۔

زہری بیان کرتے ہیں : سیدنا ابوعبیدہ بن جراح رضی اللہ عنہ کا انتقال ہوا تو انہوں نے اپنے چچازاد سیدنا عیاض بن تمیم فہری رضی اللہ عنہ کو اپنا جانشین مقرر کیا ۔
یہ روایت امام طبرانی نے ” مرسل “ روایت کے طور پر نقل کی ہے اور اس کے رجال صحیح کے رجال ہیں ۔