مجمع الزوائد ومنبع الفوائد

امام طبرانی بیان کرتے ہیں : یہ سیدنا مغیرہ ابوسفیان رضی اللہ عنہ بن حارث بن عبدالمطلب بن ہاشم ہیں ۔ انہوں نے فتح مکہ کے موقع پر اسلام قبول کیا تھا ، ان کی ملاقات راستے میں ، نبی اکرم صلی اللہ علیہ وسلم سے ہوئی تھی ، یہ غزوہ حنین کے موقع پر نبی اکرم صلی اللہ علیہ وسلم کے ساتھ ثابت قدم رہے تھے ، ان کا انتقال 20 ہجری میں ہوا ۔

سیدنا ابوحبہ بدری رضی اللہ عنہ بیان کرتے ہیں : ” غزوہ حنین کے موقع پر نبی اکرم صلی اللہ علیہ وسلم نے جس بھی سمت میں دیکھا ، تو آپ نے یہی ملاحظہ فرمایا کہ سیدنا ابوسفیان بن حارث رضی اللہ عنہ جنگ کر رہے ہیں ، نبی اکرم صلی اللہ علیہ وسلم نے ارشاد فرمایا : ” بے شک ابوسفیان ، میرے اہل خانہ میں سب سے بہتر ہے ۔ ( راوی کو شک ہے ، یا شاید یہ الفاظ ہیں : ) بے شک ابوسفیان میرے اہل خانہ کے بہتر افراد میں سے ایک ہے ۔ “
یہ روایت امام طبرانی نے معجم کبیر اور معجم اوسط میں نقل کی ہے اور اس کی سند حسن ہے ۔