مجمع الزوائد ومنبع الفوائد

عاصی بن عمرو طفاوی بیان کرتے ہیں : سیدنا ابوغادیہ رضی اللہ عنہ سیدنا حبیب بن حارث رضی اللہ عنہ اور سیدہ ام العلاء رضی اللہ عنہا نبی اکرم صلی اللہ علیہ وسلم کی طرف ہجرت کر کے نکلے ، انہوں نے اسلام قبول کیا ، اس خاتون نے عرض کی : یا رسول اللہ ! مجھے کوئی تلقین کیجئے ، تو نبی اکرم صلی اللہ علیہ وسلم نے ارشاد فرمایا : تم اس چیز سے بچ کے رہنا جو کانوں کو برا کرے ۔
یہ روایت عبداللہ نے اور امام طبرانی نے نقل کی ہے ، تاہم انہوں نے یہ بات نقل کی ہے ، عاصم بن عمرو طفاوی نے یہ بات نقل کی ہے ، میری پھوپھی نے مجھے یہ بات بتائی ہے ۔ وہ خاتون کہتی ہیں : میں لوگوں کے ساتھ نبی اکرم صلی اللہ علیہ وسلم کی خدمت میں حاضر ہوئی ، میں نے عرض کی : آپ مجھے کوئی ایسی بات ارشاد فرمائیے جس کے ذریعے اللہ تعالیٰ مجھے نفع عطا کرے ، تو آپ نے ارشاد فرمایا : تم اس چیز سے بچ کے رہنا جو کانوں کو برا کرے ۔ اس روایت کی سند میں ایک راوی عاصم بن عمرو طفاوی ہے اور وہ مستور ہے ۔ اس سے محمد بن عبدالرحمن طفاوی اور تمام بن بزیع نے روایات نقل کی ہیں ، مسند کے بقیہ رجال صحیح کے رجال ہیں ۔

سیدنا ابوسعید خدری رضی اللہ عنہ مرفوع حدیث کے طور پر یہ بات نقل کرتے ہیں : نبی اکرم صلی اللہ علیہ وسلم نے ارشاد فرمایا : ) ” بعض اوقات کوئی شخص کوئی بات کہتا ہے وہ اس کے ذریعے کسی خرابی کا ارادہ نہیں رکھتا ، اس کا مقصد اس کے ذریعے لوگوں کو ہنسانا ہوتا ہے ، لیکن اس بات کی وجہ سے وہ اس سے زیادہ ( جہنم میں گہرائی میں ) گرتا ہے جتنا آسمان کا فاصلہ ہے ۔ “
یہ روایت امام أحمد نے نقل کی ہے اور اس کی سند میں ایک راوی ابواسرائیل اسماعیل بن خلیفہ ہے اور وہ ضعیف ہے ۔