مجمع الزوائد ومنبع الفوائد

سیدنا سلمہ بن اکوع رضی اللہ عنہ بیان کرتے ہیں : جب بھی ہم کسی ایسے شخص کو دیکھتے تھے کہ جو اپنے بھائی پر لعنت کر رہا ہو تو ہم یہ سمجھتے تھے کہ اس نے ایک کبیرہ گناہ کا ارتکاب کیا ہے ۔
یہ روایت امام طبرانی نے معجم اوسط میں نقل کی ہے اور معجم کبیر میں اس کی مانند نقل کی ہے ، معجم اوسط کی سند عمدہ ہے اور معجم کبیر کی سند میں ایک راوی ابن لہیعہ ہے اور وہ کمزور ہے ۔

سیدنا عمران بن حصین رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا : ” مومن پر لعنت کرنا اسے قتل کرنے کی مانند ہے ۔ “
یہ روایت امام بزار نے نقل کی ہے ۔ اس کی سند میں ایک راوی اسحاق بن ادریس ہے اور وہ متروک ہے ۔