مجمع الزوائد ومنبع الفوائد

سیدنا ابوہریرہ رضی اللہ عنہ بیان کرتے ہیں : سیدنا سعد رضی اللہ عنہ نبی اکرم صلی اللہ علیہ وسلم کے پاس آئے ، جب آپ نے انہیں ملاحظہ فرمایا ، تو نبی اکرم صلی اللہ علیہ وسلم نے ارشاد فرمایا : سعد کے چہرے میں بھلائی ہے ، انہوں نے دریافت کیا : کسریٰ کو قتل کرنے کی ؟ راوی بیان کرتے ہیں : نبی اکرم صلی اللہ علیہ وسلم ارشاد فرماتے تھے : ” اللہ تعالیٰ کسریٰ پر لعنت کرے ، لوگوں میں سے سب سے پہلے ہلاکت عربوں کی ہو گی اور پھر اہل فارس کی ہو گی ۔ “
یہ روایت امام أحمد اور امام بزار نے نقل کی ہے ، اس کی سند میں ایک راوی داؤد بن یزید اؤدی ہے اور وہ ضعیف ہے ۔

سیدنا ابوہریرہ رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا : ” عربوں کے لئے اس ” شر “ کے حوالے سے بربادی ہے ، جو قریب آ چکا ہے ۔ “
یہ روایت امام بزار نے نقل کی ہے ، اس کی سند میں ایک راوی عاصم بن بہدلہ ہے جس کی توثیق کی گئی ہے اور اس میں ضعیف ہونا پایا جاتا ہے ، اس روایت کے بقیہ رجال ثقہ ہیں ۔