مجمع الزوائد ومنبع الفوائد

مسروق بیان کرتے ہیں : سیدنا عبداللہ بن مسعود رضی اللہ عنہ قرآن میں تفسیری الفاظ لکھنے کو ناپسند کرتے تھے ۔
یہ روایت امام طبرانی نے نقل کی ہے اور اس کے رجال صحیح کے رجال ہیں ۔

ابوزعراء بیان کرتے ہیں : سیدنا عبداللہ رضی اللہ عنہ فرماتے ہیں : قرآن کو الگ رکھو ، اس میں وہ چیز نہ ملاؤ ، جو اس میں سے نہیں ہے ۔
یہ روایت امام طبرانی نے نقل کی ہے اور اس کے رجال صحیح کے رجال ہیں ، صرف ابوزعراء کا معاملہ مختلف ہے ، ابن حبان نے اسے ثقہ قرار دیا ہے ، امام بخاری رحمہ اللہ اور دیگر حضرات کہتے ہیں : اس کی نقل کردہ حدیث کی متابعت نہیں کی گئی ہے ۔ اس سے پہلے سیدنا ابوسعید خدری رضی اللہ عنہ اور دیگر حضرات سے منقول ، قرآن کو لکھنے سے متعلق حدیث ، علم سے متعلق باب میں گزر چکی ہے ، جو اسی مفہوم کی ہے ۔