مجمع الزوائد ومنبع الفوائد

سیدنا جابر رضی اللہ عنہ نے ، نبی اکرم صلی اللہ علیہ وسلم کے حوالے سے ، اللہ تعالیٰ کے اس فرمان کے بارے میں نقل کیا ہے ( ارشاد باری تعالیٰ ہے : ) ” اور دس راتوں کی قسم ہے “ نبی اکرم صلی اللہ علیہ وسلم نے فرمایا : اس سے مراد ، ذوالج کا پہلا عشرہ ہے ۔ ” اور جفت کی قسم ہے اور طاق کی قسم ہے “ ۔ نبی اکرم صلی اللہ علیہ وسلم نے فرمایا : جنت سے مراد عیدالاضحی کا دن ہے اور طاق سے مراد ، عرفہ کا دن ہے ۔
یہ روایت امام بزار اور امام أحمد نے نقل کی ہے اور ان دونوں کے رجال صحیح کے رجال ہیں ، صرف عیاش بن عقبہ کا معاملہ مختلف ہے اور وہ ثقہ ہے ۔

سیدنا ابوایوب انصاری رضی اللہ عنہ نبی اکرم صلی اللہ علیہ وسلم کے حوالے سے یہ بات نقل کرتے ہیں : آپ سے جفت اور طاق کے بارے میں سوال کیا گیا ، تو آپ صلی اللہ علیہ وسلم نے ارشاد فرمایا : دو دن اور ایک رات ہے ، عرفہ کا دن اور قربانی کا دن ، اور طاق سے مراد ، قربانی کی رات ہے جو مزدلفہ کی رات ہے ۔
یہ روایت امام طبرانی نے ایک طویل حدیث میں نقل کی ہے ، اس میں ایک راوی واصل بن سائب ہے اور وہ متروک ہے ۔