مجمع الزوائد ومنبع الفوائد

سیدنا ابوہریرہ رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا : ” تم جنگ میں حصہ لو تمہیں غنیمت حاصل ہو گی تم روزہ رکھو تم صحت مند رہو گے تم سفر کرو تم بے نیاز ہو جاؤ گے ( یا خوشحال ہو جاؤ گے ) “ ۔
یہ روایت امام طبرانی نے معجم اوسط میں نقل کی ہے اپنے استاد موسیٰ بن زکریا کے حوالے سے نقل کی ہے اگر تو یہ وہ شخص ہے ، جو شباب سے روایت نقل کرتا ہے ، تو امام دارقطنی رحمہ اللہ نے اس کے بارے میں کلام کیا ہے ، اور اگر اس کے علاوہ کوئی اور ہے ، تو میں اس سے واقف نہیں ہوں اس روایت کے بقیہ رجال ثقہ ہیں ۔

سیدنا عبداللہ بن عمر رضی اللہ عنہما روایت کرتے ہیں : نبی اکرم صلی اللہ علیہ وسلم نے ارشاد فرمایا : ” تم لوگ سفر کرو تم صحت مند رہو گے اور سلامت رہو گے “ ۔
یہ روایت امام طبرانی نے معجم اوسط میں نقل کی ہے ۔ اس کی سند میں ایک راوی محمد بن عبدالرحمن بن رواد ہے اور وہ ضعیف ہے ۔