مجمع الزوائد ومنبع الفوائد

سیدنا سہل بن سعد رضی اللہ عنہ بیان کرتے ہیں : میرے والد کے پاس نبی اکرم صلی اللہ علیہ وسلم کے تین گھوڑے تھے جنہیں وہ چارہ کھلایا کرتے تھے ۔ سیدنا سہل رضی اللہ عنہ بیان کرتے ہیں : میں نے اپنے والد کو ان کے نام بیان کرتے ہوئے سنا ہے ( وہ یہ ہیں ) لزاز ، لحیف اور ظرب ۔ ( علامہ بیٹی فرماتے ہیں : ) میں یہ کہتا ہوں ۔ سیدنا سہل رضی اللہ عنہ کے حوالے سے ایک حدیث ” صحیح “ میں مذکور ہے ، جس میں صرف ” لحیف “ نامی گھوڑے کا ذکر ہے اور وہاں
یہ روایت ان کے حوالے سے ان کے والد سے منقول ہے ۔
یہ روایت امام طبرانی نے نقل کی ہے ۔ اس کی سند میں ایک راوی عبدالمہیمن بن عباس ہے اور وہ ضعیف ہے ۔

سیدنا عبداللہ بن مسعود رضی اللہ عنہ بیان کرتے ہیں : نبی اکرم صلی اللہ علیہ وسلم کا ایک گھوڑا تھا جو تیز دوڑا تو نبی اکرم صلی اللہ علیہ وسلم کو اچھا لگا ۔ نبی اکرم صلی اللہ علیہ وسلم نے فرمایا : میرا یہ گھوڑا سمندر ہے ۔
یہ روایت امام طبرانی نے نقل کی ہے ۔ اس کی سند میں ایک راوی مروان بن سالم شامی ہے اور وہ ضعیف ہے ۔

سیدنا عبداللہ بن عباس رضی اللہ عنہما بیان کرتے ہیں : نبی اکرم صلی اللہ علیہ وسلم کا ایک گھوڑا تھا ، جس کا نام ” مرتجز “ تھا ۔
یہ روایت امام طبرانی نے معجم اوسط میں نقل کی ہے ۔ اس کی سند میں ایک راوی سلیمان بن داؤد شاذ کونی ہے اور وہ ضعیف ہے ۔