مجمع الزوائد ومنبع الفوائد

سیدنا ابوہریرہ رضی اللہ عنہ بیان کرتے ہیں : نبی اکرم صلی اللہ علیہ وسلم نے کھانے یا پینے کی چیز میں پھونک مارنے سے منع کیا ہے ۔
یہ روایت امام بزار نے اپنے استاد زکریا بن یحیی بن ایوب ابوعلی ضریر سے نقل کی ہے ۔ میں ان سے واقف نہیں ہوں ۔ اس روایت کے بقیہ رجال ثقہ ہیں ۔

سیدنا زید بن ثابت رضی اللہ عنہ بیان کرتے ہیں : نبی اکرم صلی اللہ علیہ وسلم نے سجدے کے دوران ( زمین پر ) اور کھانے میں پھونک مارنے سے منع کیا ہے ۔
یہ روایت امام طبرانی نے معجم اوسط میں نقل کی ہے ۔ اور اس کی سند منقطع ہے ، اور اس کی سند میں ایک راوی معلی بن عبدالرحمن ہے ، اور وہ انتہائی ضعیف ہے دقیقی نے اس کی تعریف بیان کی ہے ابن عدی کہتے ہیں : مجھے یہ امید ہے کہ اس میں کوئی حرج نہیں ہو گا ۔

سیدنا عبداللہ بن عباس رضی اللہ عنہما بیان کرتے ہیں : نبی اکرم صلی اللہ علیہ وسلم کھانے کی چیز میں یا پینے کی چیز میں پھوک نہیں مارتے تھے ۔
یہ روایت امام طبرانی نے معجم اوسط میں نقل کی ہے ۔ اس کی سند میں ایک راوی حفص بن سلیمان اسدی ہے ، اور وہ متروک ہے وکیع کے حوالے سے یہ بات نقل کی گئی ہے ۔ انہوں نے اس کے بارے میں یہ کہا: ہے یہ ثقہ ہے ، لیکن یہ انتہائی ضعیف ہے ۔