مجمع الزوائد ومنبع الفوائد

سیدنا عبداللہ بن عباس رضی اللہ عنہما فرماتے ہیں : بچے کے بارے میں ساتویں دن سات چیزیں سنت ہیں : اس کا نام رکھا جائے اس کا ختنہ کیا جائے اس سے بال صاف کیے جائیں گے اس کے کان میں سوراخ کیا جائے ، اس کا عقیقہ کیا جائے ، اس کا سر مونڈ دیا جائے اور اسے عقیقہ ( کے جانور ) کا خون لگا دیا جائے اور اس کے سر کے بالوں کے وزن جتنا سونا یا چاندی صدقہ کی جائے ۔
یہ روایت امام طبرانی نے معجم اوسط میں نقل کی ہے اور اس کے رجال ثقہ ہیں ۔

سیدنا علی بن ابوطالب رضی اللہ عنہ فرماتے ہیں ، حسن ، حسین اور محسن ، ان کے نام نبی اکرم صلی اللہ علیہ وسلم نے رکھے تھے ان کے عقیقے کروائے تھے ان کے سر مونڈوائے تھے اور ان کے ( بالوں کے ) وزن جتنی چیز صدقہ کی تھی نبی اکرم صلی اللہ علیہ وسلم نے ان کے بارے میں حکم دیا تھا تو ان کو لے جا کر کے ختنہ کر دیا گیا تھا ۔
یہ روایت امام طبرانی نے معجم کبیر میں نقل کی ہے اس کی سند میں ایک راوی عطیہ عوفی ہے اور وہ ضعیف ہے ویسے اس کی توثیق کی گئی ہے ۔