مجمع الزوائد ومنبع الفوائد

مصعب مکی بیان کرتے ہیں : میں نے سیدنا انس بن مالک رضی اللہ عنہ سیدنا زید بن ارقم رضی اللہ عنہ سیدنا مغیرہ بن شعبہ رضی اللہ عنہ کو پایا میں نے ان حضرات کو یہ بات بیان کرتے ہوئے سنا نبی اکرم صلی اللہ علیہ وسلم نے ارشاد فرمایا : ” غار والی رات اللہ تعالیٰ نے درخت کو حکم دیا تو وہ نبی اکرم صلی اللہ علیہ وسلم کے سامنے پھوٹ پڑا اور نبی اکرم صلی اللہ علیہ وسلم کو چھپا لیا اللہ تعالیٰ نے مکڑی کو حکم دیا اس نے نبی اکرم صلی اللہ علیہ وسلم کے آگے جالا بن دیا اور نبی اکرم صلی اللہ علیہ وسلم کو چھپا لیا اللہ تعالی نے جنگلی کبوتریوں کو حکم دیا وہ دونوں غار کے دروازے پر آئیں قریش سے تعلق رکھنے والے کچھ نوجوان جن کا تعلق ہر شاخ سے تھا وہ اپنی لاٹھیاں اپنے ہتھیار اور تلواریں لے کر آئے ، یہاں تک کہ جب وہ نبی اکرم صلی اللہ علیہ وسلم سے چالیس بالشت کے فاصلے پر رہ گئے اور ان میں سے ایک شخص آگے آیا اس نے غار کا جائزہ لیا تو اس کو غار کا جائزہ لیا تو انہوں نے غار کے منہ پر دو کبوتریاں نظر آئیں وہ اپنے ساتھیوں کے پاس واپس گیا اس ان کے ساتھیوں نے دریافت کیا : کیا ہوا اس نے جواب دیا : میں نے غار کے منہ پر دو کبوتریاں دیکھی ہیں جس سے مجھے اندازہ ہو گیا کہ یہاں کوئی نہیں ہے اس نے جو بات کہی تھی ۔ نبی اکرم صلی اللہ علیہ وسلم نے وہ سن لی اور آپ کو پتہ چل گیا کہ اللہ تعالیٰ نے ان کبوتریوں کے ذریعے ان لوگوں کو آپ سے پرے کر دیا ہے ، تو نبی اکرم صلی اللہ علیہ وسلم نے ان ( کبوتریوں ) کے حق میں دعا کی اور آپ نے ان کو برکت کی دعا دی ، اور ان کی جزا مقرر کی ، اور انہیں حرم میں برقرار رکھا “ ۔
یہ روایت امام طبرانی نے معجم کبیر میں نقل کی ہے ۔ مصعب بن عمیر نامی راوی اور جس نے اس سے روایت نقل کی ہے ۔ یعنی عوین بن عمرو قیسی میں نے کسی کو ان دونوں کے حالات بیان کرتے ہوئے نہیں پایا ہے ۔ اس روایت کے بقیہ رجال ثقہ ہیں ۔

سیدنا عمر بن خطاب رضی اللہ عنہ فرماتے ہیں : راوی کہتے ہیں : میرا خیال ہے ۔ انہوں نے ” مرفوع “ حدیث کے طور پر یہ بات نقل کی ہے ۔ اگر کوئی احرام والا شخص کسی گوہ کو نقصان پہنچا دے ایک بکری کی ادائیگی کا فیصلہ دیا ہے ، اور خرگوش کو نقصان پہنچانے کی صورت میں ایک سال سے کم عمر کی بکری کا ، اور یربوع ( چوہے کے جیسا ایک جانور ) کو نقصان پہنچانے کی صورت میں چار ماہ کی بھیٹر ( یا بکری ) کا اور ہرن کو نقصان پہنچانے کی صورت میں دنبے کی ادائیگی کا ، انہوں نے اس بارے میں یہ فیصلہ دیا ہے ۔
یہ روایت امام ابویعلیٰ نے نقل کی ہے ۔ اس کی سند میں ایک راوی اجلح کندی ہے ، جس کے بارے میں کلام کیا گیا ہے ویسے اس کی توثیق کی گئی ہے ۔

قبیصہ بن جابر بیان کرتے ہیں : میں احرام کی حالت میں تھا ۔ میں نے ایک ہرن دیکھا میں نے اسے تیر مارا اور وہ اس کے سینگ کی جڑ میں لگ گیا پھر وہ تیزی سے دوڑ گیا ، میرے ذہن میں اس حوالے سے الجھن پیدا ہوئی ، میں سیدنا عمر رضی اللہ عنہ کے پاس آیا اور ان سے اس بارے میں دریافت کیا : میں نے ان کے پہلو میں ایک شخص کو دیکھا جو گورا چٹا تھا اور ان کا چہرہ بہت مہربان تھا وہ سیدنا عبدالرحمن بن عوف رضی اللہ عنہ تھے میں نے سیدنا عمر رضی اللہ عنہ سے اس بارے میں دریافت کیا : وہ سیدنا عبدالرحمن بن عوف رضی اللہ عنہ کی طرف متوجہ ہوئے اور فرمایا : کیا تمہارے خیال میں اس کے لئے ایک بکری کافی رہے گی ۔ انہوں نے جواب دیا : جی ہاں ۔ تو سیدنا عمر رضی اللہ عنہ نے مجھے یہ حکم دیا کہ میں ایک بکری ذبح کر دوں ۔ راوی کہتے ہیں : جب ہم ان کے پاس سے اٹھنے لگے تو میرے ایک ساتھی نے کہا: امیر المؤمنین نے تمہیں اچھا فتوی نہیں دیا انہوں نے پہلے ایک اور شخص سے پوچھا: ہے سیدنا عمر رضی اللہ عنہ نے اس کا کچھ کلام سن لیا انہوں نے مارنے کے لئے درہ بلند کیا ، پھر وہ میری طرف آئے تاکہ وہ مجھے ماریں تو میں نے کہا: اے امیر المؤمنین میں نے کچھ نہیں کہا: اس شخص نے یہ کہا: ہے : تو سیدنا عمر رضی اللہ عنہ نے مجھے چھوڑ دیا اور پھر بولے : تم یہ چاہتے ہو حرام طور پر ایک قتل کرو اور پھر فتوی کی خلاف ورزی کرو پھر انہوں نے فرمایا : انسان میں دس اخلاق ہوں جن میں سے نو اچھے ہوں اور ایک برا ہو تو وہ ایک برا اسے خراب کر دیتا ہے پھر انہوں نے فرمایا : تم اس چیز سے بچو کہ دس ( اخلاق ) ہی برے ہوں ۔

ایک روایت میں یہ الفاظ ہیں : وہ اس شخص کی طرف تو اللہ کی قسم اس شخص کا چہرہ دل کی مانند تھا ۔
یہ روایت امام طبرانی نے معجم کبیر میں نقل کی ہے ، اور اس کے رجال ثقہ ہیں ۔