مجمع الزوائد ومنبع الفوائد

سیدنا معاویہ رضی اللہ عنہ بیان کرتے ہیں : نبی اکرم صلی اللہ علیہ وسلم نے مجھے یہ حکم دیا تھا کہ میں چاند کی ابتدائی تاریخوں میں ، اپنی بیوی سے قربت نہ کروں ، اور میں تانبے کے برتن سے وضو نہ کروں اور یہ کہ میں جب بھی بیدار ہوں تو مسواک کر لوں ۔
یہ روایت امام طبرانی نے معجم کبیر میں نقل کی ہے ، اس کی سند میں ایک راوی عبیدہ بن حسان ہے اور وہ منکر الحدیث ہے ۔

سیدنا معاذ بن جبل رضی اللہ عنہ کے بارے میں یہ بات منقول ہے : وہ نبی اکرم صلی اللہ علیہ وسلم کو ایک ایسے پیالے کے ذریعہ وضو کروا رہے تھے ، جس پر تانبا لگا ہوا تھا ، نبی اکرم صلی اللہ علیہ وسلم نے اس برتن میں سے پانی پی لیا تھا ۔
یہ روایت امام طبرانی نے معجم کبیر میں نقل کی ہے ، اس کی سند میں ایک راوی علی بن یزید ہے جس نے قاسم سے روایت نقل کی ہے اور یہ دونوں راوی ضعیف ہیں ۔