مجمع الزوائد ومنبع الفوائد

سیدنا سلمہ بن اکوع رضی اللہ عنہ کے بارے میں یہ بات منقول ہے : اُن کے لیے پانی گرم کیا جاتا تھا ، تو وہ ( اُس گرم پانی کے ذریعے ) وضو کرتے تھے ۔
یہ روایت امام طبرانی نے معجم کبیر میں نقل کی ہے ، اس کے رجال ثقہ ہیں ، البتہ میں ( یعنی علامہ ہیثمی ) محمد بن یونس سے واقف نہیں ہوں ، جو امام طبرانی کے استاد ہیں ۔

حمید بن ہلال بیان کرتے ہیں : سیدنا ابورافع رضی اللہ عنہ اپنے ساتھیوں کے لیے پانی گرم کرتے تھے اور پھر یہ فرماتے تھے : اس کے ذریعے اچھی طرح وضو کرو ، میں اس سے بھی زیادہ اچھی طرح وضو کروں گا ، ( راوی بیان کرتے ہیں : ) اور پھر وہ خود ٹھنڈے پانی کے ذریعے وضو کرتے تھے ۔
یہ روایت امام طبرانی نے معجم کبیر میں نقل کی ہے اور اس کے رجال ثقہ ہیں ۔