مجمع الزوائد ومنبع الفوائد

سیدنا عبداللہ بن عمرو رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا ہے : ” اللہ تعالیٰ کی بارگاہ میں ، کوئی بھی چیز ، مؤمن سے زیادہ معزز نہیں ہے “ ۔
یہ روایت امام طبرانی نے معجم صغیر اور معجم اوسط میں نقل کی ہے اور اس کی سند میں ایک راوی عبیداللہ بن تمام ہے اور وہ انتہائی ہے ۔

سیدنا عبداللہ بن عمرو رضی اللہ عنہ نبی اکرم صلی اللہ علیہ وسلم کے بارے میں یہ بات نقل کرتے ہیں : ” آپ صلی اللہ علیہ وسلم نے خانہ کعبہ کی طرف دیکھا اور یہ ارشاد فرمایا : اللہ تعالیٰ نے تجھے شرف عطا کیا ہے ، بزرگی عطا کی ہے اور عظمت عطا کی ہے ، لیکن مؤمن کی حرمت تم سے زیادہ ہے “ ۔
یہ روایت امام طبرانی نے معجم اوسط میں نقل کی ہے ، اس کی سند میں یہ مذکور ہے : یہ عمرو بن شعیب کے حوالے سے ، اُن کے والد کے حوالے سے ، اُن کے دادا سے منقول ہے ۔

سیدنا جابر رضی اللہ عنہ بیان کرتے ہیں : جب نبی اکرم صلی اللہ علیہ وسلم نے مکہ فتح کیا ، تو اس کی طرف رخ کر کے ارشاد فرمایا : ” تم قابل احترام ہو ، تمہاری حرمت کتنی زیادہ ہے ؟ تمہاری خوشبو کتنی پاکیزہ ہے ؟ لیکن اللہ تعالیٰ کے نزدیک مؤمن کی حرمت تم سے بھی زیادہ ہے “ ۔
یہ روایت امام طبرانی نے معجم اوسط میں نقل کی ہے ، اس کی سند میں ایک راوی محمد بن محصن ہے اور وہ کذاب ہے ، جو حدیث ایجاد کرتا ہے ۔

سیدنا عبداللہ بن عمرو رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں : ” فرشتوں نے عرض کی : اے ہمارے پروردگار ! تو نے اولاد آدم کو دنیا عطا کر دی ، وہ اس میں کھاتے ہیں ، پیتے ہیں ، لباس پہنتے ہیں ، اور ہم تیری حمد کے ہمراہ ، تیری تسبیح بیان کرتے ہیں ، ہم نہ کھاتے ہیں ، نہ غافل ہوتے ہیں ، مگر جس طرح تو نے اُن کے لئے دنیا بنائی ہے ، ہمارے لئے آخرت مقرر کر دے ! تو پروردگار نے فرمایا : جس ( یعنی سیدنا آدم علیہ السلام ) کو میں نے اپنے ہاتھ سے پیدا کیا ہے اُس کی نیک اولاد کو ، میں اُن کی مانند نہیں کروں گا ، جن ( فرشتوں ) سے میں نے یہ کہا: ہو جاؤ ! تو وہ ہو گئے “ ۔
یہ روایت امام طبرانی نے معجم کبیر اور معجم اوسط میں نقل کی ہے ، اس کی سند میں ایک راوی ابراہیم بن عبداللہ بن خالد مصیصی ہے اور وہ کذاب اور متروک ہے ، معجم اوسط کی سند میں ایک راوی طلحہ بن زید ہے اور و

سیدنا عبداللہ بن عمرو رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا ہے : ” قیامت کے دن ، اللہ تعالیٰ کی بارگاہ میں اولاد آدم سے زیادہ معزز اور کوئی چیز نہیں ہو گی ، عرض کی گئی : یا رسول اللہ ! فرشتے بھی نہیں ؟ آپ صلی اللہ علیہ وسلم نے فرمایا : فرشتے بھی نہیں ، کیونکہ فرشتے پابند ہیں ، وہ سورج اور چاند کی طرح ( حکم کے پابند ) ہیں ۔
یہ روایت امام طبرانی نے معجم کبیر میں نقل کی ہے ، اس کی سند میں ایک راوی عبیداللہ بن تمام ہے اور وہ ضعیف ہے ۔

سیدنا ابوہریرہ رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا ہے : ” اللہ تعالیٰ فرماتا ہے : میرا مؤمن بندہ ، میرے نزدیک میرے بعض فرشتوں سے زیادہ محبوب ہے “ ۔
یہ روایت امام طبرانی نے معجم اوسط میں نقل کی ہے ، اس کی سند میں ایک راوی ابومہزم ہے اور وہ متروک ہے ، یہ روایت امام ابن ماجہ نے نبی اکرم صلی اللہ علیہ وسلم کے ان الفاظ کے طور پر نقل کی ہے : ” مؤمن ، اللہ تعالیٰ کے نزدیک ، اس کے بعض فرشتوں سے زیا

سیدنا عبداللہ بن عمرو رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں : ” اللہ تعالیٰ کو اپنے مومن بندے کی موت کے حوالے سے اس سے زیادہ الجھن ہوتی ہے ، جتنی تم میں سے کسی ایک شخص کو اپنے عمدہ مال کے حوالے سے ہوتی ہے ، یہاں تک کہ اللہ تعالیٰ اسے اس کے بستر پر موت دے دیتا ہے “ ۔
یہ روایت امام بزار نے نقل کی ہے ، اس کی سند میں ایک راوی عبدالرحمن بن زیاد بن انعم ہے ، جس کو امام أحمد اور زیادہ تر لوگوں نے ضعیف قرار دیا ہے ، تاہم بعض حضرات نے اسے ابن لہیعہ پر ترجیح دی ہے ۔