شوال اور یوم عرفہ کے روزے کا ثواب صحیح احادیث کی روشنی میں

شوال کے روزوں کا ثواب

عن أبى أيوب رضي الله عنه، أن رسول الله صلى الله عليه وسلم قال: من صام رمضان، ثم أتبعه ستا من شوال، كان كصيام الدهر
سیدنا ابو ایوب رضی اللہ عنہ سے روایت ہے، رسول اللہ صلی اللہ علیہ وسلم نے فرمایا: ”جس نے رمضان کے روزے رکھے اس کے بعد شوال کے چھ (نفلی) روزے رکھے، تو یہ پورے زمانے کے روزے رکھنے کی مانند ہے۔“
صحیح مسلم کتاب الصيام، باب استحباب صوم ستة أيام من شوال إتباعا لرمضان، رقم: 1164.

یوم عرفہ کے روزے کا ثواب

عن أبى قتادة رضى الله عنه قال: سئل رسول الله صلى الله عليه وسلم عن صوم يوم عرفة؟ قال: يكفر السنة الماضية والباقية .
سیدنا ابو قتادہ رضی اللہ عنہ بیان فرماتے ہیں، رسول اللہ صلی اللہ علیہ وسلم سے عرفہ کے روزے کی بابت سوال کیا گیا، تو آپ صلی اللہ علیہ وسلم نے فرمایا: ”وہ گزشتہ اور آئندہ سال کے گناہوں کا کفارہ بن جاتا ہے۔“
صحیح مسلم، کتاب الصيام، باب استحباب صيام ثلاثة أيام من كل شهر، وصوم يوم عرفة، رقم: 1162