السنن الكبرى للبيهقي

حضرت عائشہ رضی اللہ عنہا فرماتی ہیں کہ رسول اللہ ﷺ نے فرمایا: ”چٹی ضمانت کی وجہ سے ہوتی ہے۔“

ابو ذئب نے ان سے ذکر کیا ہے کہ رسول اللہ ﷺ نے فیصلہ فرمایا کہ ”چٹی ضمانت کی وجہ سے ہوتی ہے۔“

مخلد بن خفاف رحمہ اللہ کہتے ہیں کہ میرا اور میرے ساتھیوں کا ایک غلام تھا، ہم نے اپنے درمیان اس کی قیمت لگائی۔ ان میں سے ایک غائب تھا، جب وہ آیا تو ہم جھگڑا لے کر ہشام کے پاس گئے۔ انہوں نے فیصلہ کیا کہ غلام لوٹایا جائے اور اس کا منافع بھی، جبکہ اس کے منافع سے ایک ہزار درہم جمع ہو چکے تھے۔ مخلد بن خفاف رحمہ اللہ کہتے ہیں کہ میں عروہ رحمہ اللہ کے پاس آیا تو انہوں نے سیدہ عائشہ رضی اللہ عنہا سے حدیث بیان کی کہ وہ فرماتی ہیں کہ رسول اللہ ﷺ نے ”اخراجات کے بدلے منافع“ کا فیصلہ فرمایا تھا۔ میں ہشام کے پاس آیا تو انہوں نے اپنا فیصلہ واپس لے کر اس کو درست کر دیا۔

مخلد بن خفاف غفاری رحمہ اللہ فرماتے ہیں کہ میں عمر بن عبدالعزیز رحمہ اللہ کے پاس ایک غلام کے بارے میں جھگڑا لے کر گیا جس نے ہمارے ساتھ دھوکا کیا، ہم نے اس کے غلے کو پا لیا اور ان کے پاس عروہ بن زبیر رحمہ اللہ تھے، عروہ رحمہ اللہ نے سیدہ عائشہ رضی اللہ عنہا سے نقل کیا کہ ”رسول اللہ ﷺ نے چٹی کا فیصلہ ضمانت کی وجہ سے کیا۔“

مخلد بن خفاف رحمہ اللہ فرماتے ہیں کہ میں نے ایک غلام خریدا، میں نے اس سے غلہ حاصل کیا، پھر میں نے اس کے عیب کی نشاندہی کر دی، پھر میں جھگڑا لے کر عمر بن عبدالعزیز رحمہ اللہ کے پاس گیا، انہوں نے اس کی واپسی کا فیصلہ کر دیا اور مجھے اس کا غلہ واپس کرنے کا کہا۔ میں نے آکر عروہ رحمہ اللہ کو خبر دی تو انہوں نے کہا: میں شام کے وقت جا کر ان کو خبر دوں گا کہ حضرت عائشہ رضی اللہ عنہا نے مجھے بتایا کہ رسول اللہ ﷺ نے اس طرح کا فیصلہ فرمایا کہ: «الْخَرَاجُ بِالضَّمَانِ» ”خراج ضمانت کی وجہ سے ہے۔“ میں نے حضرت عمر رحمہ اللہ کی طرف جلدی کی، میں نے ان کو بتایا جو عروہ رحمہ اللہ نے بحوالہ حضرت عائشہ رضی اللہ عنہا رسول اللہ ﷺ کے متعلق مجھے بتایا، حضرت عمر رحمہ اللہ فرمانے لگے: اس سے زیادہ آسان فیصلہ میرے پاس نہیں آیا جو میں نے فیصلے کیے ہیں، اللہ جانتا ہے کہ میں صرف حق کا فیصلہ کروں گا کیونکہ مجھے رسول اللہ ﷺ کا طریقہ مل گیا ہے، میں نے حضرت عمر رحمہ اللہ کا فیصلہ رد کر دیا اور میں رسول اللہ ﷺ کی سنت کو نافذ کروں گا۔ عروہ رحمہ اللہ ان کے پاس گئے، انہوں نے میرے لیے فیصلہ کیا کہ میں اس سے خراج لوں جس نے میرے خلاف فیصلہ کیا تھا۔
(ب) ہشام بن عروہ اپنے والد سے نقل فرماتے ہیں اور وہ حضرت عائشہ رضی اللہ عنہا سے کہ ایک آدمی نے نبی ﷺ کے دور میں غلام خریدا، اس میں عیب تھا جس کو وہ جانتا نہ تھا، اس نے اس سے غلہ حاصل کیا، پھر اس کے عیب کو جان لیا اور اس کو واپس کر دیا، اس کا جھگڑا نبی ﷺ تک آیا، اس نے کہا: اے اللہ کے رسول ﷺ! اس نے فلاں وقت غلہ حاصل کیا ہے، رسول اللہ ﷺ نے فرمایا: «الْخَرَاجُ بِالضَّمَانِ» ”غلہ ضمان کی وجہ سے ہے۔“
(ب) مسلم بن خالد بیان کرتے ہیں کہ: «الْخَرَاجُ بِالضَّمَانِ» ”خراج ضمانت کی وجہ سے ہے۔“

سیدہ عائشہ رضی اللہ عنہا فرماتی ہیں کہ رسول اللہ ﷺ نے فیصلہ کیا کہ ”چٹی ضمانت کی وجہ سے ہوتی ہے۔“

امام شعبی رحمہ اللہ فرماتے ہیں کہ ایک آدمی نے کسی سے غلام خریدا، اس سے غلہ بھی حاصل کیا، پھر اس میں بیماری پائی جو فروخت کرنے والے کے پاس ہی موجود تھی۔ وہ جھگڑا لے کر قاضی شریح کے پاس آگئے تو انہوں نے فرمایا: وہ بیماری کی وجہ سے واپس کیا جائے گا اور تیرے لیے غلہ ضمانت کی وجہ سے ہے۔