صحيح الادب المفرد

سیدنا ابوبصرہ غفاری رضی اللہ عنہ نبی صلی اللہ علیہ وسلم سے روایت کرتے ہیں کہ آپ صلی اللہ علیہ وسلم نے فرمایا : ”میں کل سوار ہو کر یہودیوں کی طرف جانے والا ہوں، تو تم انہیں سلام کرنے میں پہل نہ کرنا، پھر جب وہ تمہیں سلام کریں تو تم کہنا: وعلیکم (اور تم پر بھی) ۔“

سیدنا ابوہریرہ رضی اللہ عنہ نبی صلی اللہ علیہ وسلم سے روایت کرتے ہیں کہ آپ صلی اللہ علیہ وسلم نے فرمایا : ”جب تم اہل کتاب سے ملو (اور ایک روایت میں ہے: مشرکین سے ملو) تو انہیں سلام کرنے میں پہل نہ کرو، اور انہیں راستے کے تنگ ترین حصے کی طرف جانے پر مجبور کرو ۔“