صحيح الادب المفرد

سیدنا سہل بن سعد رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”اگر نحوست کسی چیز میں ہوتی تو عورت، گھوڑے اور گھر میں ہوتی۔“

سیدنا انس بن مالک رضی اللہ عنہ سے روایت ہے، انہوں نے کہا: ایک آدمی نے عرض کیا: اللہ کے رسول! ہم ایک گھر میں تھے جس میں ہماری تعداد بھی زیادہ تھی اور ہمارے مال بھی زیادہ تھے، پھر ہم ایک دوسرے گھر میں منتقل ہوئے تو اس میں ہماری تعداد بھی کم ہو گئی اور ہمارے مال بھی کم ہو گئے؟ رسول اللہ صلی اللہ علیہ وسلم نے فرمایا: ”اسے لوٹا دو، یا اسے چھوڑ دو، وہ مذموم ہے۔“ ابو عبداللہ (امام بخاری) نے کہا: اس کی سند میں نظر ہے۔