صحيح الادب المفرد

سیدنا انس رضی اللہ عنہ نبی صلی اللہ علیہ وسلم سے روایت کرتے ہیں کہ آپ صلی اللہ علیہ وسلم نے فرمایا : ”جس نے دو لڑکیوں کی پرورش کی یہاں تک کہ وہ بالغ ہو گئیں، تو میں اور وہ جنت میں اس طرح داخل ہوں گے جیسے یہ دونوں (انگلیاں)۔“ اور محمد (بن عبدالعزیز) نے شہادت کی انگلی اور درمیانی انگلی سے اشارہ کر کے دکھایا۔

سیدنا انس رضی اللہ عنہ سے روایت ہے، انہوں نے فرمایا: ”دو گناہ ایسے ہیں جن کی سزا دنیا ہی میں جلد دے دی جاتی ہے: سرکشی (ظلم) اور قطع رحمی۔“