صحيح الادب المفرد

سیدنا علی رضی اللہ عنہ سے روایت ہے، انہوں نے فرمایا: میں نے نبی صلی اللہ علیہ وسلم کو سیدنا سعد (بن ابی وقاص رضی اللہ عنہ) کے بعد کسی آدمی پر (اپنے ماں باپ) قربان کرتے نہیں دیکھا، میں نے آپ صلی اللہ علیہ وسلم کو (انہیں) فرماتے سنا: ”تیر چلاؤ، تم پر میرے ماں باپ قربان۔“

سیدنا بریدہ رضی اللہ عنہ سے روایت ہے کہ نبی صلی اللہ علیہ وسلم مسجد کی طرف نکلے اور سیدنا ابوموسیٰ (اشعری رضی اللہ عنہ) قرآن پڑھ رہے تھے، تو آپ نے فرمایا: ”یہ کون ہے؟“ میں نے عرض کیا: میں بریدہ ہوں، میں آپ پر قربان۔ آپ صلی اللہ علیہ وسلم نے فرمایا: ”اسے آل داؤد کی خوش الحانیوں میں سے ایک خوش الحانی عطا کی گئی ہے۔“