المستدرك على الصحيحين

سیدنا سمرہ بن جندب رضی اللہ عنہ سے روایت ہے کہ رسول اللہ ﷺ نے فرمایا: ”آگاہ رہو کہ عورت پسلی سے پیدا کی گئی ہے، اور اگر تم اسے بالکل سیدھا کرنا چاہو گے تو اسے توڑ دو گے، پس اس کے ساتھ مدارات (نرمی اور سمجھوتہ) برتو تو اس کے ساتھ (خوشگواری سے) زندگی گزار سکو گے۔“ آپ ﷺ نے یہ بات تین مرتبہ دہرائی۔
یہ حدیث صحیح الاسناد ہے لیکن شیخین نے اسے روایت نہیں کیا۔ اور اس کی شاہد حدیث ابن عجلان کی اپنے والد کے واسطے سے سیدنا ابوہریرہ رضی اللہ عنہ سے روایت ہے کہ نبی کریم ﷺ نے فرمایا: ”عورت ٹیڑھی پسلی سے پیدا کی گئی ہے، اگر تم اسے سیدھا کرنے لگو گے تو اسے توڑ دو گے، اور اگر تم نے اسے (اسی حال پر) چھوڑ دیا تو اس کے ٹیڑھ پن کے باوجود اس سے فائدہ اٹھا سکو گے۔“ یہ اسناد امام مسلم کی شرط پر صحیح ہے لیکن انہوں نے اسے روایت نہیں کیا۔

سیدنا عبداللہ بن عمرو رضی اللہ عنہما سے روایت ہے کہ نبی کریم ﷺ نے فرمایا: ”اللہ تعالیٰ اس عورت کی طرف (نظرِ رحمت سے) نہیں دیکھتا جو اپنے شوہر کی شکر گزار نہیں ہوتی، حالانکہ وہ اس سے بے نیاز (بھی) نہیں ہو سکتی۔“