المستدرك على الصحيحين

سیدنا مصعب بن عبداللہ زبیری سے روایت ہے، انہوں نے کہا: رسول اللہ ﷺ کی صاحبزادی سیدہ ام کلثوم رضی اللہ عنہا کا نام آمنہ تھا، رسول اللہ ﷺ نے سیدہ رقیہ کے بعد ان کا نکاح سیدنا عثمان رضی اللہ عنہ سے ماہ ربیع الاول میں فرمایا، ان کی رخصتی سنہ 8 ہجری کے ماہ جمادی الآخرہ میں ہوئی اور سنہ 9 ہجری کے ماہ شعبان میں عثمان رضی اللہ عنہ کے نکاح ہی میں ان کی وفات ہو گئی، سیدہ ام عطیہ انصاریہ نے انصار کی دیگر خواتین کے ساتھ مل کر انہیں غسل دیا تھا۔

یحییٰ بن سعید سے روایت ہے کہ رسول اللہ ﷺ کی صاحبزادی سیدہ رقیہ رضی اللہ عنہا کی وفات ہو گئی، اور سیدنا عثمان رضی اللہ عنہ نے رسول اللہ ﷺ کی (دوسری) صاحبزادی سیدہ ام کلثوم رضی اللہ عنہا سے نکاح فرما لیا۔
یہ حدیث شیخین کی شرط پر صحیح ہے لیکن انہوں نے اسے روایت نہیں کیا۔