المستدرك على الصحيحين

سیدنا حذیفہ بن اسید غفاری رضی اللہ عنہ سے روایت ہے کہ رسول اللہ ﷺ نے فرمایا: ”ایک ایسی ہوا چلے گی جس میں اللہ تعالیٰ ہر مومن کی روح قبض فرما لے گا، پھر سورج اپنے مغرب سے طلوع ہوگا، اور یہی وہ نشانی ہے جس کا ذکر اللہ عزوجل نے اپنی کتاب ﴿لَا يَنْفَعُ نَفْسًا إِيمَانُهَا﴾ میں فرمایا ہے۔“ [سورة الأنعام: 158]

سیدنا حذیفہ بن اسید رضی اللہ عنہ سے روایت ہے کہ نبی کریم ﷺ دو چتکبرے (سفید و سیاہ) مینڈھے قریب لاتے، ایک کو ذبح کرتے ہوئے فرماتے: «اللَّهُمَّ هَذَا عَنْ مُحَمَّدٍ وَآلِ مُحَمَّدٍ» ”اے اللہ! یہ محمد اور آلِ محمد (ﷺ) کی طرف سے ہے“، اور دوسرے کو قریب لاتے تو فرماتے: «اللَّهُمَّ هَذَا عَنْ أُمَّتِي، مَنْ شَهِدَ لَكَ بِالتَّوْحِيدِ وَلِي بِالْبَلَاغِ» ”اے اللہ! یہ میری اس امت کی طرف سے ہے جس نے تیری توحید اور میرے (پیغام) پہنچا دینے کی گواہی دی۔“