المستدرك على الصحيحين

خلیفہ بن خیاط بیان کرتے ہیں کہ صفوان بن معطل سلمی رضی اللہ عنہ کا تعلق قبیلہ سلیم کی شاخ ذکوان سے تھا، بصرہ کے محلہ مربد میں ان کا گھر تھا اور ان کی وفات جزیرہ کے علاقے شمشاط میں ہوئی، ان کی قبر وہیں موجود ہے۔

محمد بن عمر بیان کرتے ہیں کہ سیدنا صفوان بن معطل رضی اللہ عنہ کی کنیت ابو عمرو تھی، وہ غزوہ مریسیع سے قبل اسلام لائے، وہ اس میں اور اس کے بعد غزوہ خندق سمیت تمام غزوات میں رسول اللہ ﷺ کے ساتھ شریک رہے، وہ ان عرنیوں کا پیچھا کرنے والے دستے میں بھی کرز بن جابر فہری کے ساتھ شامل تھے جنہوں نے ذی الجدر کے مقام پر رسول اللہ ﷺ کے اونٹوں پر چھاپہ مارا تھا، سیدنا صفوان رضی اللہ عنہ کی وفات سن 60 ہجری میں شمشاط میں ہوئی۔