المستدرك على الصحيحين

امام حسن بصری رحمہ اللہ سے روایت ہے، انہوں نے فرمایا: بصرہ والوں کے لیے سیدنا ابوموسیٰ اشعری رضی اللہ عنہ سے بہتر کوئی سوار (شخصیت) نہیں آئی۔

سیدنا ابن عباس رضی اللہ عنہما سے روایت ہے کہ سیدنا ابوموسیٰ اشعری رضی اللہ عنہ نے فرمایا: ”بے شک علی پہلے شخص ہیں جو رسول اللہ ﷺ کے ساتھ اسلام لائے۔“
یہ حدیث صحیح الاسناد ہے لیکن شیخین نے اسے روایت نہیں کیا، اور اسے یہاں ذکر کرنے کا مقصد سیدنا ابوموسیٰ رضی اللہ عنہ کی سیدنا علی رضی اللہ عنہ کی شان میں کسی بھی قسم کی تنقیص سے برأت ظاہر کرنا ہے اور یہ کہ ابن عباس رضی اللہ عنہما نے ان سے روایت کی ہے۔