المستدرك على الصحيحين

محمد بن عبد اللہ بن نمیر بیان کرتے ہیں کہ سیدنا ابی بن کعب رضی اللہ عنہ کی وفات سیدنا عمر بن خطاب رضی اللہ عنہ کے دورِ خلافت میں سن 22 ہجری میں ہوئی۔

محمد بن عمر نے بھی اسی طرح کا نسب بیان کیا اور یہ اضافہ فرمایا کہ وہ ان ستر انصار میں شامل تھے جنہوں نے بیعتِ عقبہ میں شرکت فرمائی تھی، اور وہ رسول اللہ ﷺ کے لیے وحی لکھا کرتے تھے، ان کی وفات کے وقت میں اختلاف پایا جاتا ہے، چنانچہ ایک قول یہ ہے کہ وہ سیدنا عمر کے دورِ خلافت میں سن 22 ہجری میں فوت ہوئے، جبکہ ایک قول کے مطابق ان کی وفات سیدنا عثمان رضی اللہ عنہ کے دورِ خلافت میں سن 30 ہجری میں ہوئی، اور یہی قول زیادہ مستند ہے کیونکہ سیدنا عثمان رضی اللہ عنہ نے انہیں قرآن کریم جمع کرنے کا حکم دیا تھا۔

عتی سعدی بیان کرتے ہیں کہ میں نے سیدنا ابی بن کعب رضی اللہ عنہ کو دیکھا، ان کے سر اور داڑھی کے بال بالکل سفید تھے اور وہ خضاب (رنگ) نہیں لگاتے تھے۔