المستدرك على الصحيحين

سیدنا عبداللہ بن عمر رضی اللہ عنہما سے روایت ہے کہ رسول اللہ ﷺ نے ارشاد فرمایا: ”حسن اور حسین اہل جنت کے نوجوانوں کے سردار ہیں، اور ان کے والد ان دونوں سے بہتر ہیں۔“

سیدنا عبداللہ بن عباس رضی اللہ عنہما سے روایت ہے کہ نبی کریم ﷺ سیدنا حسن اور سیدنا حسین رضی اللہ عنہما کو (ان کلمات کے ذریعے) اللہ کی پناہ میں دیا کرتے تھے: «أُعِيذُكُمَا بِكَلِمَاتِ اللَّهِ التَّامَّةِ مِنْ كُلِّ شَيْطَانٍ وَهَامَّةٍ، وَكُلِّ عَيْنٍ لَامَّةٍ» ”میں تم دونوں کو اللہ کے کامل کلمات کی پناہ میں دیتا ہوں ہر شیطان اور زہریلے جانور سے، اور ہر نقصان پہنچانے والی نظرِ بد سے۔“ پھر آپ ﷺ فرماتے: ”سیدنا ابراہیم علیہ السلام بھی اپنے بیٹوں اسماعیل اور اسحاق (علیہما السلام) کو اسی طرح پناہ میں دیا کرتے تھے۔“
یہ حدیث شیخین کی شرط پر صحیح ہے لیکن انہوں نے اسے روایت نہیں کیا۔