المستدرك على الصحيحين

سیدنا عبداللہ بن عباس رضی اللہ عنہما سے روایت ہے، انہوں نے کہا کہ رسول اللہ ﷺ نے فرمایا: ”اللہ تعالیٰ نے نوح (علیہ السلام) کو چالیس سال کی عمر میں مبعوث فرمایا، اور وہ اپنی قوم میں ساڑھے نو سو سال (ایک ہزار سال میں پچاس سال کم) تک ٹھہرے رہے اور انہیں دین کی دعوت دیتے رہے، اور وہ طوفان کے بعد ساٹھ سال زندہ رہے، یہاں تک کہ لوگ بہت زیادہ ہو گئے اور پھیل گئے۔“
شیخین کا سیدنا ابوہریرہ اور سیدنا انس رضی اللہ عنہما کی نبی کریم ﷺ سے مروی حدیثِ شفاعت پر اتفاق ہے، جس میں ہے کہ لوگ نوح علیہ السلام کے پاس آئیں گے اور کہیں گے: آپ زمین کی طرف بھیجے جانے والے سب سے پہلے رسول ہیں۔

سیدنا عمران بن حصین اور سیدنا سمرہ بن جندب رضی اللہ عنہما سے روایت ہے کہ نبی کریم ﷺ نے فرمایا: ”نوح (علیہ السلام) کے تین بیٹے تھے: سام، حام اور یافث جو رومیوں کا باپ (جد امجد) ہے۔“
اس حدیث کی سند صحیح ہے لیکن شیخین نے اسے روایت نہیں کیا۔