المستدرك على الصحيحين

سیدنا معقل بن یسار رضی اللہ عنہ سے روایت ہے، وہ بیان کرتے ہیں کہ ایک شخص رسول اللہ ﷺ کی خدمت میں حاضر ہوا اور عرض کیا: اے اللہ کے رسول! مجھے ایک ایسی عورت ملی ہے جو خاندانی شرافت، بلند مرتبے اور مال و دولت والی ہے، مگر وہ بانجھ ہے (اولاد پیدا نہیں کر سکتی)، کیا میں اس سے نکاح کر لوں؟ آپ ﷺ نے اسے منع فرما دیا۔ وہ دوسری بار حاضر ہوا اور وہی بات کہی، آپ ﷺ نے پھر منع فرما دیا۔ پھر وہ تیسری بار آیا اور وہی عرض کیا، تو رسول اللہ ﷺ نے فرمایا: ”تم ایسی عورتوں سے نکاح کرو جو بہت زیادہ محبت کرنے والی اور کثرت سے اولاد پیدا کرنے والی ہوں، کیونکہ میں (قیامت کے دن) تمہاری کثرت کی وجہ سے دیگر امتوں پر فخر کروں گا۔“
یہ حدیث صحیح الاسناد ہے لیکن شیخین نے اس سیاق کے ساتھ اسے روایت نہیں کیا۔

سیدنا علی بن ابی طالب رضی اللہ عنہ سے روایت ہے کہ رسول اللہ ﷺ نے فرمایا: ”اے علی! تین کاموں میں تاخیر نہ کرنا: نماز جب اس کا وقت آ جائے، جنازہ جب وہ تیار ہو جائے، اور بیوہ یا مجرد عورت (کا نکاح) جب اس کے لیے کوئی مناسب جوڑ مل جائے۔“
یہ ایک غریب اور صحیح حدیث ہے لیکن شیخین نے اسے روایت نہیں کیا۔