المستدرك على الصحيحين

سیدنا ابو سعید خدری رضی اللہ عنہ سے روایت ہے کہ رسول اللہ ﷺ نے فرمایا: ”جس نے سورہ کہف اسی طرح پڑھی جیسے وہ نازل کی گئی ہے، تو یہ اس کے لیے قیامت کے دن اس کے مقام سے لے کر مکہ تک نور ہوگی، اور جس نے اس کے آخر کی دس آیات پڑھ لیں پھر دجال نکل آیا تو وہ اس پر مسلط نہیں ہو سکے گا، اور جس نے وضو کیا پھر یہ کلمات کہے: «سُبْحَانَكَ اللَّهُمَّ وَبِحَمْدِكَ، لَا إِلَهَ إِلَّا أَنْتَ أَسْتَغْفِرُكَ وَأَتُوبُ إِلَيْكَ» ”اے اللہ! تو پاک ہے اور اپنی تعریفوں کے ساتھ ہے، تیرے سوا کوئی معبود نہیں، میں تجھ سے بخشش مانگتا ہوں اور تیری طرف رجوع کرتا ہوں“، تو یہ ایک کاغذ پر لکھ کر اس پر مہر لگا دی جاتی ہے جو قیامت تک نہیں توڑی جائے گی۔“
یہ حدیث امام مسلم کی شرط پر صحیح ہے لیکن شیخین نے اسے روایت نہیں کیا، سفیان ثوری نے اسے ابو ہاشم سے موقوفاً روایت کیا ہے۔

سیدنا ابو سعید خدری رضی اللہ عنہ سے اسی کے مثل موقوفاً مروی ہے (جیسا کہ اوپر گزرا ہے)۔