مصنف ابن ابي شيبه

ابراہیم اور حسن بصری نے ارشاد فرمایا : ایسے آدمی کے بارے میں کہ جس کو عمداً قتل کردیا گیا تھا پس قاتل کو قید کرلیا گیا تا کہ مقتول کے بدلہ اسے قتل کردیا جائے۔ پس ایک آدمی آیا اس نے اس قاتل کو غلطی سے قتل کردیا کہ اس کی دیت قیدی کے گھر والوں کے لیے ہوگی اور حضرت عطاء نے فرمایا : پہلے مقتول کے گھر والوں کو اس کی دیت ملے گی۔

حضرت قتادہ فرماتے ہیں کہ حسن بصری نے ارشاد فرمایا : دیت مقتول کے گھر والوں کے لیے ہے۔

حضرت حماد سے بھی حسن بصری جیسا قول منقول ہے۔