مصنف ابن ابي شيبه

حضرت جریری فرماتے ہیں کہ حضرت ابو العلائ نے ارشاد فرمایا : کسی بندہ کو اسلام کے بعد نیک عقل سے بڑھ کر افضل کوئی چیز عطا نہیں کی گئی۔ جس کے ذریعہ وہ رزق حاصل کرتا ہو۔

حضرت عامر فرماتے ہیں کہ حضرت عمر نے ارشاد فرمایا : آدمی کی خاندانی شرافت اس کا دین ہے اور اس کی مروت ا س کے اخلاق ہیں اور اس کا منبع اس کی عقل ہے۔

حضرت عمر کا مذکورہ ارشاد ا س سند سے بھی منقول ہے۔

حضرت منصور فرماتے ہیں کہ حضرت مجاہد نے ارشاد فرمایا : کہ آیت { فَإِنْ آنَسْتُمْ مِنْہُمْ رُشْدًا } میں عقل مراد ہے۔

حضرت عامر فرماتے ہیں کہ حضرت عمر نے ارشاد فرمایا : آدمی کی خاندانی شرافت اس کا دین ہے اور اس کی مروت اس کے اخلاق ہیں ، اور اس کا منبع اس کی عقل ہے۔

حضرت قابوس کے والد فرماتے ہیں کہ حضرت ابن عباس رضی اللہ عنہما نے اللہ رب العزت کے اس قول { قَسَمٌ لِذِی حِجْرٍ } ترجمہ : قسم عقل مندوں کے لیے، کے بارے میں ارشاد فرمایا : دانش مند اور عقل والے مراد ہیں۔

حضرت عاصم فرماتے ہیں کہ حضرت عکرمہ نے اللہ رب العزت کے اس قول : { قَسَمٌ لِذِی حِجْرٍ } کے بارے میں ارشاد فرمایا : کہ دانش مند اور عقل مند لوگ مراد ہیں۔

حضرت ھلال بن خباب فرماتے ہیں کہ حضرت مجاہد نے اللہ رب العزت کے اس قول { قَسَمٌ لِذِی حِجْرٍ } کے بارے میں ارشاد فرمایا : کہ عقل مند لوگ مراد ہیں۔

حضرت ابو نصر فرماتے ہیں کہ حضرت ابن عباس رضی اللہ عنہما نے اللہ رب العزت کے اس قول { قَسَمٌ لِذِی حِجْرٍ } کے بارے میں یوں ارشادفرمایا : کہ دانش مند لوگ مراد ہیں۔

حضرت جویبر فرماتے ہیں کہ حضرت ضحاک نے اللہ رب العزت کے اس قول { قَسَمٌ لِذِی حِجْرٍ } کے بارے میں ارشاد فرمایا : کہ عقل مند لوگ مراد ہیں۔