مصنف ابن ابي شيبه

حضرت عطاء سے اس شخص کے متعلق دریافت کیا گیا جو کسی کو مال مضاربت اس شرط پردے کہ وہ اس مال کا ضامن بھی ہوگا تو انہوں نے جواب دیا کہ وہ ضامن نہیں ہوگا۔

حضرت عکرمہ فرماتے ہیں کہ مضاربت میں ہر قسم کی شرط سود ہے۔ اور یہی حضرت قتادہ کا قول ہے۔

حسن سے دریافت کیا گیا کہ ایک شخص نے دوسرے کو مال مضاربت دیا اور اس کو ضامن بنایا ؟ آپ نے فرمایا : جو نفع ہے وہ ان دونوں کے درمیان تقسیم ہوگا اور اس کے ضمان کی طرف التفات نہ کیا جائے گا۔