مصنف ابن ابي شيبه

حضرت ابراھیم سے دریافت کیا گیا کہ محرم شخص کے لیے انگوٹھی کا استعمال کیسا ہے ؟ آپ نے فرمایا کہ کوئی حرج نہیں، ہم لوگ بیت اللہ کا طواف کرتے اور ہمارے پاس انگوٹھی ہوتی ہم اس سے طواف کے چکر گننے میں مدد حاصل کرتے۔

حضرت عطاء فرماتے ہیں کہ محرم شخص اگر انگوٹھی استعمال کرے تو اس میں کوئی حرج نہیں۔

حضرت ابن عباس رضی اللہ عنہما سے بھی یہی مروی ہے۔

حضرت مجاہد سے بھی یہی مروی ہے۔

حضرت عطاء سے بھی یہی مروی ہے۔

حضرت خالد بن ابوبکر فرماتے ہیں کہ میں نے حضرت سالم بن عبد اللہ کو حالت احرام میں انگوٹھی پہنے ہوئے دیکھا۔

حضرت اسماعیل بن عبد الملک فرماتے ہیں کہ میں نے حضرت سعید بن جبیر اور حضرت عطاء کو حالت احرام میں انگوٹھی پہنے ہوئے دیکھا۔

حضرت عطاء فرماتے ہیں کہ محرم شخص انگوٹھی پہن لے اس میں کوئی حرج نہیں۔