مصنف ابن ابي شيبه

حضرت ابو اسحاق فرماتے ہیں کہ میں حضرت حارث کے جنازے میں حاضر ہوا لوگوں نے آپ کی قبر پر کپڑا لٹکایا (پردہ کیلئے) حضرت عبد اللہ بن یزید نے اس کو کھینچ دیا اور فرمایا یہ مرد ہیں۔

حضرت یحییٰ بن قیس فرماتے ہیں کہ حضرت شریح نے وصیت فرمائی تھی کہ میری قبر پر کپڑا نہ لٹکانا۔

حضرت عاصم فرماتے ہں، کہ میں ایک شخص کے جنازے میں شریک تھا جس میں حسن اور حضرت ابن سیرین بھی تھے، اس کی قبر پر کپڑا لٹکایا گیا تو حسن نے فرمایا : (اس کی کیا ضرورت ہے) یہ تو مرد ہیں، اور حضرت ابن سیرین اس میں کوئی حرج نہیں سمجھتے۔

ابراہیم فرماتے ہیں کہ حضور صلی اللہ علیہ وآلہ وسلم نے حضرت سعد کو قبر میں اتارا تو اس پر کپڑا لٹکایا۔