مصنف ابن ابي شيبه

حضرت طاؤس فرماتے ہیں کہ حضرت عائشہ رضی اللہ عنہا اذان اور اقامت کہا کرتی تھیں۔

ایک اور سند سے یونہی منقول ہے۔

حضرت وہب بن کیسان کہتے ہیں کہ حضرت ابن عمر رضی اللہ عنہما سے سوال کیا گیا کہ کیا عورتوں پر اذان لازم ہے ؟ یہ سوال سن کر حضرت ابن عمر رضی اللہ عنہما غصہ میں آگئے اور فرمایا کہ کیا اللہ کے ذکر سے منع کروں ؟ !

حضرت ہشام فرماتے ہیں کہ حضرت حفصہ جب نماز پڑھنے لگتیں تو اقامت کہتی تھیں۔

حضرت مجاہد فرماتے ہیں کہ عورتوں پر اقامت لازم نہیں۔

حضرت عطاء اور حضرت طاؤس فرماتے ہیں کہ حضرت عائشہ رضی اللہ عنہا اذان اور اقامت کہا کرتی تھیں۔

حضرت سالم فرماتے ہیں کہ عورتیں اگر چاہیں تو اذان دے دیں۔

حضرت جابر فرماتے ہیں کہ عورت اگر چاہے تو اذان دے دے۔