مصنف ابن ابي شيبه

حضرت علی رضی اللہ عنہ فرماتے ہیں کہ حضور صلی اللہ علیہ وآلہ وسلم سوائے حالت جنابت کے ہر حال میں قرآن کی تلاوت فرمایا کرتے تھے۔

ایک اور سند سے یونہی منقول ہے۔

حضرت عمر فرماتے کہ جنبی قرآن نہ پڑھے۔

ابراہیم فرماتے ہیں کہ حضرت ابن مسعود دریائے فرات کی طرف جا رہے تھے اور ایک آدمی کو قرآن پڑھا رہے تھے۔ حضرت ابن مسعود نے پیشاب کیا تو وہ آدمی تلاوت سے رک گیا۔ حضرت ابن مسعود نے اس کی وجہ پوچھی تو کہنے لگا کہ آپ نے پیشاب کیا ہے۔ فرمایا میں جنبی تو نہیں ہوں۔

حضرت اسود فرماتے ہیں کہ جنبی قرآن کی تلاوت نہ کرے۔

حضرت مجاہد فرماتے ہیں جنبی قرآن کی تلاوت نہ کرے۔

حضرت عامر فرماتے ہیں کہ جنبی اور حائضہ قرآن کی تلاوت نہ کریں۔

حضرت ابو وائل فرماتے ہیں کہ جنبی اور حائضہ قرآن کی تلاوت نہ کریں۔

حضرت علی رضی اللہ عنہ فرماتے ہیں کہ جنبی قرآن کا ایک حرف بھی نہ پڑھے۔

ابراہیم فرماتے ہیں کہ جنبی قرآن کی تلاوت نہ کرے اور فرمایا کہ اگر وہ قرآن پڑھتا ہے تو نماز بھی پڑھے۔