المعجم الكبير للطبراني

سیدنا نعمان بن بشیر رضی اللہ عنہما کہتے ہیں کہ میرے والد نے مجھے ایک عطیہ دیا — اسماعیل کی روایت میں ہے کہ انہیں ایک غلام عطیہ کیا — تو میری والدہ عمرہ بنت رواحہ رضی اللہ عنہا نے ان سے کہا: رسول اللہ ﷺ کے پاس جائیں اور آپ کو اس پر گواہ بنائیں۔ چنانچہ وہ رسول اللہ ﷺ کے پاس آئے اور آپ سے یہ بات ذکر کی اور عرض کیا: میں نے اپنے بیٹے نعمان کو ایک عطیہ دیا ہے، اور عمرہ نے مجھ سے کہا ہے کہ میں آپ کو اس پر گواہ بنا لوں، آپ ﷺ نے فرمایا: ”کیا اس کے علاوہ تمہاری کوئی اور اولاد بھی ہے؟“ میں نے عرض کیا: جی ہاں، فرمایا: ”کیا تم نے ان سب کو بھی اتنا ہی دیا ہے جتنا نعمان کو دیا؟“ عرض کیا: نہیں، تو بعض راویوں نے کہا: آپ ﷺ نے فرمایا: ”یہ ظلم ہے۔“ اور بعض نے کہا: آپ ﷺ نے فرمایا: ”یہ تلجئہ (یعنی محض دکھاوے کا حیلہ) ہے، اس پر میرے سوا کسی اور کو گواہ بناؤ۔“ مغیرہ کہتے ہیں: آپ ﷺ نے فرمایا: ”کیا تمہیں یہ پسند نہیں کہ وہ سب تمہارے ساتھ نیکی اور حسنِ سلوک میں برابر ہوں؟“ عرض کیا: جی ہاں، فرمایا: ”تو پھر اس پر میرے سوا کسی اور کو گواہ بناؤ۔“ مجالد نے اپنی روایت میں یہ اضافہ کیا: ”ان کا تم پر یہ حق ہے کہ تم ان کے درمیان انصاف کرو، جیسے تمہارا ان پر یہ حق ہے کہ وہ تمہارے ساتھ نیکی کریں۔“

عبداللہ بن رواحہ رضی اللہ عنہ کی بہن (سیدہ عمرہ رضی اللہ عنہا) سے روایت ہے کہ رسول اللہ ﷺ نے فرمایا: ”ہر کمر پر پٹکا (نطاق) باندھنے والے پر نکلنا واجب ہو گیا۔“

سیدہ عمرہ رضی اللہ عنہا، عبداللہ بن رواحہ رضی اللہ عنہ کی بہن، سے روایت ہے کہ نبی کریم ﷺ نے فرمایا: ”ہر کمر پر پٹکا باندھنے والے پر نکلنا واجب ہو گیا۔“