المعجم الكبير للطبراني

عبداللہ بن حسن رحمہ اللہ سیدہ ام سلمہ رضی اللہ عنہا سے روایت کرتے ہیں کہ انہوں نے اپنے ایک غلام کے بارے میں، جس نے ان سے آزادی مانگی تھی، قسم کھائی اور فرمایا: اللہ مجھے کبھی آگ سے آزاد نہ کرے اگر میں اسے کبھی آزاد کروں۔ پھر جتنی مدت اللہ نے چاہی وہ ٹھہری رہیں، پھر فرمایا: سبحان اللہ! میں نے رسول اللہ ﷺ کو یہ فرماتے سنا ہے: ”جو شخص کسی بات پر قسم کھائے، پھر اس سے بہتر بات دیکھے، تو وہ اپنی قسم کا کفارہ ادا کرے، پھر وہی کرے جو بہتر ہے۔“ تو میں نے اس غلام کو آزاد کر دیا، پھر اپنی قسم کا کفارہ ادا کیا۔

سیدہ ام سلمہ رضی اللہ عنہا سے روایت ہے کہ رسول اللہ ﷺ نے فرمایا: ”جس میں ان تین باتوں میں سے کوئی ایک نہ ہو، وہ کسی چیز کا اعتبار نہ کرے: ایسا تقویٰ جو اسے حرام کاموں سے روکے، یا ایسا حلم جس سے وہ بے وقوف سے بچ سکے، یا ایسا حسنِ اخلاق جس کے ذریعے وہ لوگوں میں خوشگواری سے زندگی گزار سکے۔“