المعجم الكبير للطبراني

سیدہ ام سلمہ رضی اللہ عنہا سے روایت ہے کہ رسول اللہ ﷺ نماز کے بعد یہ دعا فرماتے: ”اے اللہ! میں تجھ سے پاکیزہ رزق، قبول ہونے والا عمل اور نفع بخش علم مانگتا ہوں۔“

سیدہ ام سلمہ رضی اللہ عنہا سے بھی، فجر کی نماز کے بعد، اسی طرح کی حدیث مروی ہے۔

سیدہ ام سلمہ رضی اللہ عنہا سے بھی اسی طرح کی حدیث مروی ہے۔

سیدہ ام سلمہ رضی اللہ عنہا سے بھی اسی طرح کی حدیث مروی ہے۔

سیدہ ام سلمہ رضی اللہ عنہا سے بھی اسی طرح کی حدیث مروی ہے۔

سیدہ ام سلمہ رضی اللہ عنہا سے روایت ہے، فرماتی ہیں: رسول اللہ ﷺ کی وفات کے وقت آپ ﷺ کی زیادہ تر وصیت یہ تھی: ”نماز کا خیال رکھو، اور جو تمہارے ہاتھوں کی ملکیت ہیں ان کا خیال رکھو۔“

سیدہ ام سلمہ رضی اللہ عنہا سے بھی اسی طرح کی حدیث مروی ہے۔

سیدہ ام سلمہ رضی اللہ عنہا سے روایت ہے، انہوں نے رسول اللہ ﷺ کو یہ فرماتے سنا: ”جس بندے کو کوئی مصیبت پہنچے اور وہ کہے: بیشک ہم اللہ ہی کے ہیں اور اسی کی طرف لوٹنے والے ہیں، اے اللہ! میری اس مصیبت میں مجھے اجر دے اور اس سے بہتر بدلہ عطا فرما، تو اللہ تعالیٰ اسے اس کی مصیبت میں اجر دیتا ہے اور اسے اس سے بہتر بدلہ عطا فرماتا ہے۔“ فرماتی ہیں: پھر جب سیدنا ابوسلمہ رضی اللہ عنہ فوت ہوئے تو میں نے کہا: رسول اللہ ﷺ کے صحابی ابوسلمہ سے بہتر کون ہو سکتا ہے؟ پھر اللہ تعالیٰ نے مجھے یہ کہنے کی توفیق دی تو میں نے یہ دعا پڑھی، چنانچہ بعد میں میرا نکاح رسول اللہ ﷺ سے ہو گیا۔

سیدہ ام سلمہ رضی اللہ عنہا، زوجِ نبی ﷺ، سے روایت ہے کہ رسول اللہ ﷺ نے فرمایا: ”فرشتے اس قافلے کے ساتھ نہیں چلتے جس میں گھنٹی ہو۔“