المعجم الكبير للطبراني

سیدنا ہشام بن عامر رضی اللہ عنہ سے روایت ہے کہ رسول اللہ ﷺ نے فرمایا: ”کسی مسلمان کے لیے حلال نہیں کہ وہ کسی مسلمان سے تین راتوں سے زیادہ قطع تعلقی کرے، کیونکہ وہ دونوں جب تک اپنی قطع تعلقی پر قائم رہیں گے حق سے ہٹے ہوئے ہوں گے، اور ان دونوں میں سے جو پہلے صلح کرے، اس کا سبقت لینا اس کا کفارہ بن جائے گا۔ اور اگر ایک نے دوسرے کو سلام کیا اور اس نے قبول نہ کیا اور جواب نہ دیا، تو فرشتے اس سلام کرنے والے کو جواب دیں گے، اور دوسرے کو شیطان جواب دے گا۔ اور اگر وہ دونوں اپنی قطع تعلقی کی حالت میں مر گئے تو جنت میں داخل نہیں ہوں گے۔“

سیدنا ہشام بن عامر انصاری رضی اللہ عنہ سے روایت ہے، وہ کہتے ہیں: میں نے رسول اللہ ﷺ کو یہ فرماتے سنا: ”کسی مسلمان کے لیے حلال نہیں کہ وہ کسی مسلمان سے تین دن سے زیادہ قطع تعلقی کرے، وہ دونوں جب تک قطع تعلقی پر رہیں گے حق سے ہٹے ہوئے ہوں گے، اور ان دونوں میں سے جو پہلے صلح کرے، اس کا سبقت لینا اس کا کفارہ بن جائے گا۔ اور اگر وہ دونوں اپنی قطع تعلقی کی حالت میں مر گئے تو کبھی بھی دونوں اکٹھے جنت میں داخل نہیں ہوں گے۔ اور اگر ایک نے دوسرے کو سلام کیا اور اس نے اس کی صلح اور سلام قبول نہ کیا تو فرشتہ اس سلام کرنے والے کو جواب دے گا اور دوسرے کو شیطان جواب دے گا۔“