المعجم الكبير للطبراني

سیدنا مقدام بن معدی کرب اور سیدنا ابوامامہ رضی اللہ عنہما کہتے ہیں کہ رسول اللہ ﷺ نے فرمایا: ”امام جب لوگوں میں فتنہ چاہتا ہے تو وہ انہیں بگاڑ دیتا ہے۔“

سیدنا مقدام رضی اللہ عنہ کہتے ہیں: میں نے نبی کریم ﷺ کو یہ فرماتے سنا: ”کوئی بھی آدمی کسی قوم پر حکمران نہیں بنتا مگر وہ قیامت کے دن اپنے آگے ایک جھنڈا اٹھائے ان کی قیادت کرتا ہوا آئے گا، اور وہ اس کے پیچھے چلیں گے، پھر ان کے بارے میں اس سے سوال کیا جائے گا اور اس کے بارے میں ان سے سوال کیا جائے گا۔“

…اور سیدنا ابوامامہ باہلی رضی اللہ عنہ سے روایت ہے کہ ایک شخص رسول اللہ ﷺ کے پاس آیا اور عرض کیا: یا رسول اللہ! یہ معاملہ آپ کی قوم میں ہے، تو ہمارے بارے میں انہیں وصیت فرمائیں۔ تو آپ ﷺ نے ان سے فرمایا: ”میں تمہیں اللہ کی یاد دلاتا ہوں کہ میرے بعد میری امت پر زیادتی نہ کرنا۔“ پھر لوگوں سے فرمایا: ”میرے بعد کچھ امیر ہوں گے، تو ان کی اطاعت ادا کرو، کیونکہ امیر ڈھال کی مانند ہے جس کے ذریعے دشمن سے بچا جاتا ہے، اگر انہوں نے اصلاح کی اور تمہیں بھلائی کا حکم دیا تو یہ تمہارے لیے بھی ہے اور ان کے لیے بھی، اور اگر انہوں نے برائی کی تو یہ ان پر ہے اور تم اس سے بری ہو، بےشک امیر جب لوگوں میں فتنہ چاہتا ہے تو وہ انہیں بگاڑ دیتا ہے۔“