المعجم الكبير للطبراني

…اور میرے ساتھ اشعریین میں سے دو آدمی تھے، ایک میری دائیں طرف اور دوسرا بائیں طرف، اور رسول اللہ ﷺ مسواک کر رہے تھے، تو دونوں نے (کسی) عہدے کی درخواست کی، تو آپ ﷺ نے فرمایا: ”اے ابوموسیٰ! - یا: اے عبداللہ! -“ میں نے عرض کیا: اس ذات کی قسم جس نے آپ کو حق کے ساتھ بھیجا ہے، انہوں نے مجھے اپنے دل کی بات نہیں بتائی، اور مجھے معلوم نہ تھا کہ وہ عہدہ طلب کر رہے ہیں، (راوی کہتے ہیں) گویا میں اب بھی آپ ﷺ کی مسواک آپ کے ہونٹ کے نیچے دیکھ رہا ہوں، تو آپ ﷺ نے مجھ سے فرمایا: ”ہم اپنے کام پر اسے متعین نہیں کرتے جو خود اسے طلب کرے، لیکن تم جاؤ، اے ابوموسیٰ! - یا: اے عبداللہ بن قیس! -“ چنانچہ آپ ﷺ نے انہیں یمن کی طرف بھیجا، پھر ان کے پیچھے سیدنا معاذ بن جبل رضی اللہ عنہ کو بھیج دیا، تو جب معاذ رضی اللہ عنہ ان کے پاس پہنچے تو انہوں نے ان کے لیے ایک تکیہ ڈالا اور کہا: ”بیٹھ جائیے“، تو دیکھا کہ ایک آدمی بندھا ہوا ہے، انہوں نے پوچھا: ”یہ کیا ہے؟“ ابوموسیٰ رضی اللہ عنہ نے کہا: یہ یہودی تھا، پھر اسلام لایا، پھر اپنے (پرانے) برے دین کی طرف لوٹ گیا، تو معاذ رضی اللہ عنہ نے فرمایا: ”میں اس وقت تک نہیں بیٹھوں گا جب تک اسے قتل نہ کر دیا جائے، یہ اللہ اور اس کے رسول کا فیصلہ ہے“ - تین بار فرمایا - چنانچہ اس کے متعلق حکم دیا گیا اور اسے قتل کر دیا گیا۔

سیدنا ابوموسیٰ اشعری رضی اللہ عنہ سے روایت ہے کہ نبی کریم ﷺ نے انہیں اور سیدنا معاذ بن جبل رضی اللہ عنہ کو یمن کی طرف بھیجا اور دونوں کو حکم دیا کہ وہ لوگوں کو قرآن سکھائیں، (وہاں) معاذ رضی اللہ عنہ ابوموسیٰ رضی اللہ عنہ کے پاس ان کی زیارت کے لیے آئے تو دیکھا کہ ان کے پاس ایک آدمی لوہے میں جکڑا ہوا ہے، انہوں نے کہا: میرے بھائی! کیا ہمیں لوگوں کو عذاب دینے کے لیے بھیجا گیا ہے یا انہیں سکھانے اور جو چیز ان کے لیے نفع بخش ہے اس کا حکم دینے کے لیے؟ ابوموسیٰ رضی اللہ عنہ نے ان سے کہا: یہ اسلام لایا، پھر کافر ہو گیا، تو معاذ رضی اللہ عنہ نے فرمایا: اس ذات کی قسم جس نے محمد ﷺ کو حق کے ساتھ بھیجا، میں اس وقت تک نہیں ہٹوں گا جب تک اسے آگ سے نہ جلا دوں، ابوموسیٰ رضی اللہ عنہ نے کہا: ہمارے نزدیک اس کے بارے میں (توبہ کی) گنجائش ہے، معاذ رضی اللہ عنہ نے کہا: اللہ کی قسم! میں ہرگز نہیں ہٹوں گا، (راوی کہتے ہیں) چنانچہ لکڑیاں لائی گئیں اور اس میں آگ بھڑکائی گئی، اور اسے (اس میں) ڈال دیا گیا۔

…خالد حذاء کے واسطے سے، ابوبردہ سے، وہ ابوموسیٰ رضی اللہ عنہ سے بیان کرتے ہیں کہ ایک آدمی اسلام لایا، پھر یہودی ہو گیا، تو معاذ رضی اللہ عنہ اس کے پاس آئے جبکہ وہ ابوموسیٰ رضی اللہ عنہ کے پاس تھا، انہوں نے (ابوموسیٰ رضی اللہ عنہ سے) پوچھا: یہ کیا ہے؟ ابوموسیٰ رضی اللہ عنہ نے کہا: یہ اسلام لایا، پھر یہودی ہو گیا، تو معاذ رضی اللہ عنہ نے فرمایا: ”میں اس وقت تک نہیں بیٹھوں گا جب تک تم اسے قتل نہ کر دو، یہ اللہ اور اس کے رسول کا فیصلہ ہے۔“