المعجم الكبير للطبراني

…وہ کہتے ہیں: میں نے معبد کو سنا، وہ کہتے تھے: معاویہ بہت کم رسول اللہ ﷺ سے حدیث بیان کرتے تھے، لیکن یہ کلمات وہ جمعوں میں کثرت سے بیان کیا کرتے تھے: ”جس کے ساتھ اللہ بھلائی کا ارادہ فرماتا ہے اسے دین کی سمجھ عطا فرما دیتا ہے، اور یہ مال ہرا بھرا، میٹھا ہے، پس جو اسے اس کے حق کے مطابق لے تو اس میں اس کے لیے برکت ڈالی جاتی ہے، اور ایک دوسرے کی جھوٹی تعریف سے بچو کیونکہ وہ ذبح ہے۔“

سیدنا معبد الجہنی، سیدنا معاویہ رضی اللہ عنہ سے روایت کرتے ہیں کہ نبی کریم ﷺ نے فرمایا: ”دنیا میٹھی اور ہری بھری ہے، پس جو اسے اس کے حق کے مطابق لے تو اس میں اس کے لیے برکت ڈالی جاتی ہے۔“

…معبد الجہنی کہتے ہیں: معاویہ بہت کم رسول اللہ ﷺ سے حدیث بیان کرتے تھے، انہوں نے اپنے خطبے میں فرمایا: میں نے رسول اللہ ﷺ کو یہ فرماتے سنا: ”ایک دوسرے کی جھوٹی تعریف سے بچو، کیونکہ وہ ذبح ہے۔“

سیدنا معبد الجہنی، سیدنا معاویہ رضی اللہ عنہ سے روایت کرتے ہیں، وہ کہتے ہیں: ”تم یہ نماز پڑھتے ہو، حالانکہ ہم نے رسول اللہ ﷺ کی صحبت اختیار کی اور آپ ﷺ کو دیکھا، مگر ہم نے آپ ﷺ کو کبھی یہ نماز، نماز کے بعد پڑھتے نہیں دیکھا،“ یعنی عصر کے بعد۔