المعجم الكبير للطبراني

سیدنا کعب بن عجرہ رضی اللہ عنہ کے بیٹے عبدالملک کہتے ہیں: میں عید کے دن سیدنا کعب بن عجرہ رضی اللہ عنہ کے ساتھ عید گاہ کی طرف نکلا، تو وہ امام کے آنے سے پہلے (عید گاہ میں) بیٹھ گئے اور امام کے واپس جانے تک نماز نہ پڑھی، جبکہ لوگ قطار در قطار مسجد کی طرف جا رہے تھے، تو میں نے کہا: کیا آپ دیکھ نہیں رہے؟ تو انہوں نے فرمایا: ”یہ بدعت ہے اور سنت کو چھوڑنا ہے۔“

سیدنا کعب بن عجرہ رضی اللہ عنہ کے بیٹے عبدالملک کہتے ہیں: میں دو عیدوں میں سے ایک عید میں سیدنا کعب رضی اللہ عنہ کے ساتھ حاضر ہوا، جب لوگ (عید کی نماز سے) واپس ہوئے تو ان میں سے اکثر مسجد کی طرف چلے گئے، اور میں نے دیکھا کہ وہ (میرے والد) گھر کا رخ کر رہے ہیں، تو میں نے عرض کیا: ابا جان! کیا آپ مسجد کی طرف نہیں جائیں گے، میں دیکھ رہا ہوں کہ لوگ اسی طرف جا رہے ہیں؟ تو انہوں نے فرمایا: ”جو تم دیکھ رہے ہو اس میں سے بہت کچھ سختی اور کم علمی کا نتیجہ ہے، یہ (عید کی) دو رکعتیں ہی آج کے دن کی نفل عبادت ہیں، یہاں تک کہ (اگلی) نماز تمہیں بلائے۔“