المعجم الكبير للطبراني

عروہ (بن زبیر) انصار میں سے ان لوگوں کے نام گنواتے ہوئے جنہوں نے بیعتِ عقبہ میں شرکت کی، پھر بنو بیاضہ میں سے: فروہ بن عمرو رضی اللہ عنہ، جنہوں نے غزوہ بدر میں بھی شرکت کی۔

سیدنا جابر رضی اللہ عنہ سے روایت ہے کہ نبی کریم ﷺ انصار میں سے بنو بیاضہ کے ایک شخص کو، جنہیں فروہ بن عمرو کہا جاتا تھا، بھیجتے تھے، تو وہ اہل مدینہ کے پھلوں کا تخمینہ لگاتے تھے۔

سیدنا رافع بن خدیج رضی اللہ عنہ سے روایت ہے کہ نبی کریم ﷺ سیدنا فروہ بن عمرو رضی اللہ عنہ کو کھجوروں کا تخمینہ لگانے کے لیے بھیجتے تھے، جب وہ باغ میں داخل ہوتے تو اس میں موجود اقسام کا شمار کرتے، پھر جیسا انہیں نظر آتا اس کے مطابق بعض کو بعض پر ضرب دیتے، اور وہ غلطی نہیں کرتے تھے۔